La Liga. “Atletiko”dan ketma-ket ikkinchi yirik g‘alaba, “Yuventus”dan ochko olgan “Sevilya” “Eybar”ni yuta olmadi

Futbol bo‘yicha Ispaniya La Ligasida 4-turning 17-sentabrdan joy olgan o‘yinlari o‘z yakuniga yetdi.

Foto: Getty Images

Dastlabki ikki turni chempionat debyutantlariga qarshi o‘tkazib, umumiy hisobda 4 ochkoni boy bergan Madridning “Atletiko” klubi ketma-ket ikkinchi yirik g‘alabasini qo‘lga kiritdi. Bir tur avval “Selta” darvozasiga javobsiz 4 ta gol urgan Diyego Simeone jamoasi, bu safar “Sporting” ustidan 5:0 hisobida zafar quchdi. Bellashuvda Grizmann va Torres dublini nishonladi.

Foto: Getty Images

Chempionlar Ligasini Turinda durang o‘ynash bilan boshlagan “Sevilya”, La Liganing 4-turida 2 ochko yo‘qotdi. “Eybar” maydoniga safar uyushtirgan Xorxe Sampaoli jamoasi bir kishi ko‘p o‘ynab turib, tayyor g‘alabani qo‘ldan chiqardi.

Foto: Getty Images

17-sentabr sanasida, shuningdek, “Barselona” yirik g‘alabaga ega chiqib , turnir jadvalida 1-o‘ringa ko‘tarilib olgandi.
Ispaniya La Ligasi
4-tur bellashuvlari
17-sentabr, shanba
“Atletiko” — “Sporting” 5:0
Gollar: Antuan Grizmann, 2 (1:0). Kevin Gameyro, 5 (2:0). Antuan Grizmann, 31 (3:0). Fernando Torres, 72 (4:0). Fernando Torres, 90-pen (5:0).
“Eybar” — “Sevilya” 1:1
Gollar: Lusiano Vetto, 27 (0:1). Pedro Leon, 64 (1:1).
Chetlatishlar: Yoel, 45 (E). Dani Garsiya, 86 (E).
“Las-Palmas” — “Malaga” 1:0
Gol: Momo, 10-pen (1:0).

Foto: Livescore.in


Batafsil | Подробно | Read more... Daryo