Rio—2016. 200 dan ortiq mamlakat vakillari ishtirok etgan Paralimpiadani O‘zbekiston 16-o‘rinda yakunladi

XV yozgi Paralimpiada o‘yinlarida 32 nafar sportchi bilan ishtirok etgan O‘zbekiston delegatsiyasi umumjamoa hisobida 16-o‘rindan joy oldi. Rio-de-Janeyroga 200 dan ortiq mamlakat sportchilari tashrif buyurgandi.

Foto: Invasport.org.ua

O‘zbekistonning bu natijasi MDH mamlakatlari orasida Ukrainadan keyin ikkinchi bo‘ldi. Rio—2016 Paralimpiadasida medal olishga muvaffaq bo‘lgan MDH mamlakatlaridan Belarus, Litva, Latviya, Ozarbayjon va Qozog‘istonning medallar soni bo‘yicha umumiy natijasi ham O‘zbekistonnikidan yaxshiroq bo‘lmadi.

Foto: Rio2016.com

Tabiiyki, O‘zbekiston terma jamoasi Markaziy Osiyo mamlakatlari orasida eng yaxshi natijani ko‘rsatdi. Qozog‘iston terma jamoasi festivalni 1 ta oltin va 1 ta kumush bilan yakunlab, ikkinchi natija qayd etgan bo‘lsa, O‘zbekistonda bu ko‘rsatkich 8 ta oltin, 6 ta kumush va 17 ta bronzani tashkil qildi.
Osiyo qit’asi mamlakatlari orasida O‘zbekiston terma jamoasi Xitoy va Erondan keyin uchinchi bo‘ldi. Medallarning umumiy soni bo‘yicha esa O‘zbekiston Erondan yaxshiroq natija qayd etdi. Bu borada delegatsiya 13-o‘rinni qo‘lga kiritgan bo‘lsa, Eron 16-jamoa bo‘ldi.

Foto: Rio2016.com

Ma’lumot uchun, o‘zbekistonlik sportchilar Rio—2016 da 6 ta jahon, 7 ta Paralimpiada va 12 ta Osiyo rekordini o‘rnatishga muvaffaq bo‘ldi .
Batafsil | Подробно | Read more... Daryo