General Haftar qo‘shinlari Liviya neft portlariga hujumni qaytardi va yana bir shaharni egallab oldi

Liviya sharqiy hukumatiga sodiq bo‘lgan, general Xalifa Haftar qo‘mondonligidagi qo‘shinlar 18-sentabr, yakshanba kuni ularni avvalroq to‘xtatib qolgan va bir hafta ilgari chiqarib yuborilgan qurolli guruhlar armiyasi hujumini daf qildi, deb yozadi “TASS” Liviya qurolli kuchlari 302-brigadasi press-spikeriga tayanib.

Foto: EPA

Uning so‘zlariga ko‘ra, janglarda besh jangari o‘ldirildi, yana to‘qqiz nafari asirga olindi. Qurol-yarog‘lar o‘rnatilgan bir nechta texnika qo‘lga olindi. Janglarda, shuningdek, bir harbiy xizmatchi halok bo‘ldi va uch kishi yaralandi.
18-sentabr kuni feldmarshal Xalifa Haftar qo‘mondonligidagi milliy armiya bo‘linmalari “neft yarim oyi” (Sirt ko‘rfazi qirg‘oqlari)dagi asosiy eksport portlari — Ras-Lanuf, As-Sidr, Brega va Zuveytinani o‘z nazorati ostiga oldi va keyinroq terminallar mamlakatning yagona Milliy neft korporatsiyasi ixtiyoriga o‘tkazilganini ma’lum qildi. Hukumat kuchlari As-Sidradan 25 km g‘arbdagi strategik jihatdan ahamiyatli bo‘lgan Ben-Javad shahrini to‘liq egallab oldi.
Ma’lumot uchun, mamlakatda tuzilgan hukumat, parlament va armiya o‘rtasidagi kelishmovchiliklar ularga birlashib, terrorchi guruhlar nazorati ostidagi hududlarni ozod qilish imkoniyatini bermayapti. Rasmiy qo‘shinlar qo‘mondoni Xalifa Haftar BMT missiyasi tomonidan shakllantirilgan hukumat bilan kelishmaydi va ayni paytda parlament bilan hamkorlikda ish olib boradi. Reuters’ning bildirishicha, Haftar Liviyaning yangi diktatori bo‘lishga da’vo qilmoqda.
Batafsil | Подробно | Read more... Daryo