Insoniyatning uchdan bir qismi hasadgo‘y bo‘lib chiqdi

Karlos III nomidagi Madrid universiteti tadqiqotchilari barcha odamlarni shaxsiyati turiga qarab to‘rtta guruhga bo‘lish mumkinligini aniqladi, bular: hasadgo‘ylar, optimistlar, pessimistlar va ishonuvchan kimsalar. Bu haqda Science Advances ilmiy jurnalida chop etilgan maqolada aytiladi .

Foto: “Stihi.ru”

Eksperiment doirasida olimlar 541 kishini turli ijtimoiy vaziyatlarning uddasidan chiqishga majbur qildi. Bunda sinovdan o‘tkazilayotgan kishilar qarorlarni ham o‘z manfaatlari, ham butun guruh manfaatlari yo‘lida qabul qilishi mumkin edi. Oxirida qarorlar va ularning oqibatlari kompyuter algoritmi yordamida tahlil etildi.
Tadqiqot natijalariga ko‘ra, odamlarning 90 foizi mavjud to‘rtta kategoriyaga to‘g‘ri keladi: ularning 30 foizi hasadgo‘y, qolgan 60 foizi optimist, pessimist va ishonuvchan kishilar (har bir kategoriyaga 20 foizdan) bo‘lib chiqdi. Qolgan 10 foizni kompyuter guruhlardan hech biriga mos keltira olmadi.
Batafsil | Подробно | Read more... Daryo