Makkadagi O‘zbekiston hojilari Islom Karimovni Qurbon hayiti bilan tabrikladi

O‘zbekiston Prezidenti Islom Karimovga O‘zbekiston hojilari nomidan muftiy Usmonxon Alimov Makka shahri, Arafot vodiysidan Qurbon hayiti munosabati bilan tabrik yo‘lladi. Tabrik xati to‘lig‘icha O‘zAda e’lon qilindi .

Foto: “Hajjreisen-ats.de”

Unda Prezident va O‘zbekiston xalqi qutlug‘ ayyom – Qurbon hayiti munosabati bilan muborak zaminda haj ibodatini ado etayotgan yurtdoshlarimiz nomidan samimiy muborakbod etiladi.
“Dunyoning turli mintaqalarida ro‘y berayotgan voqea-hodisalarni ko‘rib, kuzatib shuni to‘liq ishonch bilan aytamizki, biz uchun, mo‘min-musulmonlar uchun tinchlik va omonlik eng oliy ne’mat, musaffo dinimiz targ‘ib qilgan ulug‘ qadriyatdir. O‘zbek xalqining bizga tinchlik kerak, omonlik kerak, degan mana shu muxtasar da’vati bugun millati va e’tiqodidan qat’i nazar farovonlikka intilgan butun dunyo ahlining xohish-istagini o‘zida yaqqol ifodalamoqda.
Biz, o‘zbekistonlik hojilar Makkai mukarrama, Madinai munavvara singari muqaddas manzillarda bo‘lib, yurtimiz tinch, xalqimiz farovon, mustaqilligimiz abadiy bo‘lishini Yaratgandan iltijo qilib so‘ramoqdamiz”, — deyiladi tabrikda.

Batafsil | Подробно | Read more... Daryo