Britaniya mudofaa vaziri: NATO Liviyada quruqlikdagi operatsiyalarni o‘tkazmoqchi emas

NATO Liviyada hech qanday harbiy operatsiyalarni o‘tkazishni rejalashtirmayapti, ushbu mamlakatga IShID guruhini yo‘q qilish borasidagi yordam esa mahalliy qurolli kuchlarni qo‘llab-quvvatlash orqali ko‘rsatiladi. Bu haqda Birlashgan Qirollik mudofaa vaziri Maykl Fellon ma’lum qildi, deb yozadi “TASS”.

Foto: NATO

“Biz Liviyada NATOning hech qanday operatsiyalarini rejalashtirmayapmiz, axir quruqlikdagi qo‘shinlar u yerda g‘alaba qozonmaydi, biz buni Iroq tajribasidan yaxshi bilamiz, — dedi u. — Bunday terrorizm bilan faqat mahalliy qurolli kuchlar orqali kurashish mumkin. Biz qila oladigan narsa — liviyaliklarga yordam berish, jumladan, tinch yo‘l bilan tartibga solishga erishish borasida ham”.
Britaniya mudofaa muassasasi rahbari so‘zlariga ko‘ra, asosiy maqsad — “barqaror Liviya”. “Biz mamlakat hukumati barcha liviyaliklar manfaatlari yo‘lida o‘z ishini bajarishi uchun ham G‘arb, ham Sharqning ko‘magidan foydalanishini istaymiz”, — dedi u.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo