Google kompaniyasi sayohatchilar uchun Google Trips dasturini chiqardi

Google kompaniyasi sayohatlarni rejalashtirish uchun mo‘ljallangan Google Trips mobil dasturini chiqardi, deb yozadi TJournal. Servisni Android va iOS qurilmalari uchun yuklab olish mumkin.

Foto: “4pda.ru”

Tizim Google Maps va boshqa foydalanuvchilar ma’lumotlari asosida safarlarni rejalashtirish imkonini beradi. Dastur internet bo‘lmagan joyda ham ishlashi mumkin, buning uchun sayohatning taxminiy yo‘nalishini oldindan saqlab olish kifoya.
Google Trips Gmail foydalanuvchilari xabarlarini mehmonxona va chiptalarni bron qilish mavzusi bo‘yicha tahlil qilib chiqadi, ma’lumotlarni tizimda saqlaydi. Safar tafsilotlari “Butun kun uchun rejalar”, “Yegulik va ichimliklar”, “Qanday yetib olish”, “Nima bilan shug‘ullanish”, “Bron qilish” va boshqa bo‘limlarga bo‘lingan. U yoki bu joyga tashrif buyurgach, foydalanuvchi izoh qoldirishi, uni dasturning boshqa mijozlari o‘qishi mumkin bo‘ladi.
Batafsil | Подробно | Read more... Daryo