Almazbek Atambayev Turkiyada shifokorlar nazorati ostida ekani ma’lum qilindi

Qirg‘iziston prezidenti Almazbek Atambayev Turkiyaning Izmir shahridagi mehmonxonalaridan birida shifokorlar nazorati ostida bo‘lib turibdi. Bu haqda, Anadolu agentligiga tayanib, “TASS” xabar bermoqda .

Foto: “TASS”

Xabar berishlaricha, BMT Bosh Assambleyasida ishtirok etish uchun Turkiya orqali Nyu-Yorkka yo‘l olgan Atambayev Istanbul aeroportiga yetib kelganidan so‘ng o‘zini yomon his qilib, ko‘krak qismida og‘riq sezgan hamda shifokorlar tomonidan ko‘rikdan o‘tkazilgan.
“Atambayev tunda Izmir aeroportiga yetib kelgan, u yerdan Cheshmedagi mehmonxonalardan biriga yo‘l olgan. Qirg‘iziston prezidenti mehmonxonada dam olishda davom etmoqda va u yerda tibbiy yordam mashinasi doimiy navbatchilik qilmoqda”, — deyiladi agentlik xabarida.
Avvalroq Almazbek Atambayev tibbiy ko‘rikdan o‘tish uchun qisqa muddatli ta’til olgani haqida xabar qilingan edi .
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo