Singapurlik oshpaz guruchli tovuq uchun qayla tayyorlash sirini 1,4 million dollarga sotuvga qo‘ydi

Singapurlik oshpaz Chan Xun Men o‘z qaylasining retseptini sotuvga qo‘ydi. U ikki oy avval an’anaviy mahalliy “chiken rays” (guruchli tovuq) taomi uchun Michelin yulduzini qo‘lga kiritgan edi, deya xabar bermoqda “TASS”.

Foto: EPA

Oshpaz o‘z ijod mahsulini 2 million Singapur dollari (1,4 million AQSh dollari)ga baholadi. U tayyorlagan yegulikning bir porsiyasi esa bundan ikki million marta arzon turadi.
Channing ta’kidlashicha, u shunchaki retsept sirini sotmoqchi emas, balki Singapurdan tashqariga ham yoyilgan yemakxonalar tarmog‘ini yaratish niyatida.
U retsept sirini sotish bo‘yicha bir necha xaridorlar bilan muzokaralar olib borgani, biroq ular muvaffaqiyatsiz yakunlanganligini ham ma’lum qildi.
Hozircha esa Chan sheriklari bilan biznesini Singapur hududida kengaytirish bilan band.
Batafsil | Подробно | Read more... Daryo