Google’ning yangi smartfonlari qachon namoyish qilinishi rasman oshkor etildi

Google kompaniyasi yangi Pixel smartfonlari prezentatsiyasi haqida rasmiy bayonot berdi. Uskunalar 4-oktabr kuni taqdim etiladi, deb xabar beradi “Hi-Tech.Mail.ru”.

Foto: “Hi-Tech.Mail.ru”

YouTube’da joylashtirilgan rolik mualliflari yangi smartfonlarning ko‘rinishi qanday bo‘lishi haqida hech qanday ma’lumot bermaydi. Shunga qaramay, internetda yangi smartfonlarning fotosuratlari allaqachon chop etildi.

Foto: “Hi-Tech.Mail.ru”

Ular bozorda Nexus qatori uskunalarining o‘rnini egallashi kutilmoqda.
Insayderlarning ta’kidlashicha, Google ikkita smartfon taqdim etadi, ular bir-biridan ekran diagonaliga ko‘ra farqlanadi.
Pixel va Pixel XL’ning taxminiy texnik tavsifi:
Chipset: Snapdragon 820 yoki 821
Operativ xotira: 4 Gb
Doimiy xotira: 32 yoki 64 Gb
Ekran: Pixel uchun — 5 dyuymov vaFullHD, Pixel XL uchun — 5,7 dyuym va 2K
Asosiy kamera: 12 Mp
Barmoq izlari skaneri: bor
Operativ tizim: Android 7.1
Kenja modelning narxi 649 dollar bo‘lishi aytilmoqda.
Batafsil | Подробно | Read more... Daryo