“Hayvonot dunyosini muhofaza qilish va undan foydalanish to‘g‘risida”gi Qonunga o‘zgartirish va qo‘shimchalar kiritildi

2016-yilning 19-sentabr kunidan e’tiboran “O‘zbekiston Respublikasining 1997-yil 26-dekabrda qabul qilingan “Hayvonot dunyosini muhofaza qilish va undan foydalanish to‘g‘risida”gi 545–I-sonli Qonuniga kiritilgan o‘zgartirish va qo‘shimchalar kuchda ekani ma’lum qilindi.

Foto: Toshkent hayvonot bog‘i matbuot xizmati

O‘zA xabarida Qonun loyihasi shu yilning 24-avgustida Senat tomonidan ma’qullangani qayd etilgan. Qonunchilik palatasi uni 21-iyul sanasida muhokamaga qo‘ygandi.
Qonunda O‘zbekiston Respublikasi Vazirlar Mahkamasi hukumat qarorlarini ushbu qonunga muvofiqlashtirishi ko‘rsatib o‘tilgan. Shuningdek, davlat boshqaruvi organlari mazkur Qonunga zid bo‘lgan o‘z normativ-huquqiy hujjatlarini qayta ko‘rib chiqishi va bekor qilishi ta’minlanadi.
“Hayvonot dunyosini muhofaza qilish va undan foydalanish to‘g‘risida”gi Qonun ostiga O‘zbekiston Respublikasi Prezidenti vazifasini bajaruvchi Shavkat Mirziyoyev imzo chekkan.
Batafsil | Подробно | Read more... Daryo