O‘zbekiston bayrog‘i ostida uch karra Olimpiada chempioni bo‘lgan Artur Taymazov Rossiya Davlat Dumasi deputat etib saylandi

Erkin kurash bo‘yicha O‘zbekiston termasi safida 3 karra Olimpiada chempioni hisoblangan Artur Taymazov Rossiya parlamenti quyi palatasi (Davlat Dumasi) deputatligiga o‘tkazilgan saylovlarda katta tafovut bilan g‘alaba qozondi. Bu haqda “Alaniya Inform” axborot agentligi ma’lum qilmoqda .

Foto: “Yedinaya Rossiya”

Shimoliy Osetiya Markaziy saylov komisiyasining ma’lumotlariga ko‘ra, Artur Taymazov 281 186 ovoz to‘plagan. Ikkinchi o‘rinni egallagan Gariya Kuchiyevaga 19 623 kishi ovoz bergan.
Ma’lumot uchun, 4 karra Olimpiada ishtirokchisi Artur Taymazov 2000-yilgi Sidney Olimpiadasida kumush medalni qo‘lga kiritgan bo‘lsa, 2004, 2008 va 2012-yilgi Olimpiadalarda oltin medal egasiga aylangan.
Sportchi Osiyo o‘yinlarining uch karra g‘olibi ham hisoblanadi. 2002, 2006 va 2010-yilgi turnirda unga teng keladigan sportchi topilmagan. Jahon Chempionatlarida Taymazovga ikki marta oltin, ikki marta kumush va 1 marta bronza medali nasib qilgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo