Germaniyada Volkswagen investorlari kompaniyadan 8,2 mlrd yevro talab qilmoqda

Germaniyaning Volkswagen avtokonserni investorlari kompaniyaga qarshi da’vo bilan chiqib, undan umumiy miqdorda 8,2 milliard yevro tovon puli talab qilmoqda. Bu haqda, Bloomberg agentligiga asoslanib, “Interfaks” xabar bermoqda .

Foto: Reuters

Arizalar Braunshveyg shahri okrug sudiga kiritildi. Jami sudga 1400 da’vo bilan murojaat etildi. Investorlar kompaniyani ular dizel mojarosi bilan bog‘liq tergovdan juda kech ogohlantirilganidan norozi. Mazkur mojaro va undan keyin boshlangan tekshiruv ishlari tufayli kompaniya qimmatbaho qog‘ozlarining qiymati tushib ketdi.
Da’vo arizalaridan biri qariyb 300 investor nomidan kiritilgan bo‘lib, unda 3,3 milliard dollar tovon puli talab qilinmoqda. Yana bir jamoaviy da’voda 700 million yevro summasi ko‘rsatilgan.
Kompaniya ayblovlarni rad etmoqda.
Germaniya avtogiganti dizel mojarosi bilan bog‘liq turli to‘lovlar uchun umumiy hisobda 18 milliard yevro mablag‘ni zaxira qilib qo‘ydi. Mojaro dunyo bo‘ylab sotilgan 11 million avtomobilni qamrab oladi.
Batafsil | Подробно | Read more... Daryo