OAVda Joli va Pittning ko‘chmas mulklari sanab o‘tildi

Mansion Global nashri Gollivud aktyorlari Anjelina Joli va Bred Pittning birgalikdagi ko‘chmas mulklarini ko‘rsatdi, ularni juftlik ajrashayotgani tufayli bo‘lib olishi taxmin qilinmoqda, deb yozadi “Korrespondent.net”.

Foto: EPA

Ro‘yxatga Kaliforniya shtati Los-Felis shahrida joylashgan, Pitt 1994-yilda 1,7 million dollarga sotib olgan uy ham kiritildi. Mish-mishlarga ko‘ra, u er-xotinning asosiy qarorgohi bo‘lgan.

Los-Felisdagi uy. Foto: “Korrespondent.net”

Nashr, shuningdek, Santa-Barbarada sohil bo‘yida joylashgan 4 millionlik uy haqida ham gapirib berdi, uni aktyorlar 2000-yilda xarid qilgan.
Bundan tashqari, ro‘yxatdan Joli va Pittning Fransiyadagi 2008-yilda 60 million dollarga sotib olingan shato Miraval qo‘rg‘oni o‘rin oldi. Majmuaga uzumzor, ko‘l, basseynlar va favvoralar kiradi, qo‘rg‘onning o‘zida 35 ta yotoqxona, basseyn, bilyard xonasi, sport zallari, sauna va banket zali bor.

Shato Miraval. Foto: “Korrespondent.net”

Shu bilan birga, 2007-yilda Pitt Yangi Orleanda 3,5 million dollarga uy sotib olgan edi, ammo uni 2015-yilda sotuvga qo‘yishgan.

Yangi Orleandagi uy. Foto: “Korrespondent.net”

Shuningdek, Malibudagi 8 million dollarlik uy haqida ham xabar qilinmoqda, uni Pitt 2005-yilda Jennifer Eniston bilan ajrashishdan sal avvalroq xarid qilgan. O‘tgan yili ushbu uy ham sotuvga qo‘yilgan, ammo sotilgan-sotilmagani noma’lum.
Avvalroq Anjelina Jolining advokati u Bred Pitt bilan ajrashmoqchi ekanligini  tasdiqlagan edi . 2004-yildan buyon uchrashib yurgan Joli va Pitt 2014-yilda nikohdan o‘tgan edi. Juftlik uch farzand ko‘rgan, shuningdek, uch bolani asrab olgan.
 
Batafsil | Подробно | Read more... Daryo