Airbus Eronga samolyot yetkazib berish uchun AQShdan ruxsat oldi

Yevropaning Airbus aviasozlik korporatsiyasi Eronga yo‘lovchi samolyotlarini yetkazib berishga AQShdan birinchi ruxsatnomani olishga muvaffaq bo‘ldi, deb yozadi “TASS”. O‘zi e’lon qilgan bayonotda aytilishicha, ikkinchi ruxsatnoma “yaqin haftalar ichida” olinadi.

Foto: AP

“Airbus ikkita litsenziya so‘radi, ulardan birinchisi kecha kechqurun taqdim etildi”, — deyiladi xabarda.
Yevropa korporatsiyasi Eron bilan yanvar oxirida jami qiymati 10—11 milliard dollarga teng 118 ta yo‘lovchi samolyoti yetkazib berish bo‘yicha protokol tuzgan edi. Ammo ushbu bitim AQSh tomonidan ma’qullanishi kerak, chunki sotib olinadigan havo kemalari Amerika kompaniyalari tomonidan ishlab chiqarilgan qator butlovchi qismlarni o‘z ichiga oladi.
Batafsil | Подробно | Read more... Daryo