O‘zbekiston Prezidenti saylovini o‘tkazuvchi okrug komissiyalari tarkibiga nomzodlar tavsiya etildi

20—21-sentabr kunlari Qoraqalpog‘iston Jo‘qorg‘i Kengesi, viloyatlar va Toshkent shahar Kengashlarining sessiyalari bo‘lib o‘tdi. Ularda O‘zbekiston Prezidenti saylovini o‘tkazuvchi okrug saylov komissiyalari a’zoligiga nomzodlar muhokama qilindi. Bu haqda O‘zbekiston Prezidenti saylovini  yoritish bo‘yicha Respublika matbuot markazi xabar bermoqda.

Foto: “Gazeta.uz”

“O‘zbekiston Respublikasi Prezidenti saylovi to‘g‘risida”gi Qonunga va Asosiy tadbirlar dasturi muvofiq, O‘zbekiston Prezidenti saylovini o‘tkazuvchi saylov okruglari Qoraqalpog‘iston Respublikasi, viloyatlar va Toshkent shahri chegaralari doirasida tuzildi.
Saylov okruglari ro‘yxati saylovchilar soni hamda okrug saylov komissiyalari manzili ko‘rsatilgan holda matbuotda e’lon qilindi.
O‘zbekiston Prezidenti saylovini o‘tkazuvchi okrug saylov komissiyalari Markaziy saylov komissiyasi tomonidan saylovga kamida 70 kun qolganida komissiya raisi, rais o‘rinbosari, kotibi va kamida 6—8 nafar a’zosidan iborat tarkibda tuziladi.
Okrug saylov komissiyalarining a’zolari jamoatchilikning obro‘li vakillari orasidan tanlanib, Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlarining tavsiyasi bilan Markaziy saylov komissiyasi tomonidan tasdiqlanadi.
Joylardagi davlat hokimiyati vakillik organlari sessiyalarida muhokamalar natijasida okrug saylov komissiyalari tarkibiga nomzodlar tavsiya qilish bo‘yicha tegishli qarorlar qabul qilindi.
Batafsil | Подробно | Read more... Daryo