Sardor Rashidov Suriya va Qatarga qarshi o‘yinlarda jismoniy holati maromida bo‘lmaganini tan oldi

O‘zbekiston milliy terma jamoasi a’zosi Sardor Rashidov “Championat.asia” nashriga intervyu berib , JCh—2018 saralashi doirasidagi Qatar va Suriyaga qarshi o‘yinlarda formasi maromida bo‘lmaganini tan oldi.

Foto: Sports.uz

“To‘g‘ri, dastlabki ikki uchrashuv vaqtida jismoniy holatim yuqori darajada emasdi, — deb gap boshladi Rashidov. — Shuning uchun o‘z o‘yinimni ko‘rsata olmadim. Qatarda mavsum endi boshlanmoqda. O‘ylaymanki, Eron va Xitoyga qarshi o‘yinlarda muxlislarni xursand qilamiz. Unga qadar 2—3 uchrashuvda maydonga tushishga ulguraman”.
Ma’lumot uchun, Suriya va Qatar termalariga qarshi o‘yinlarni golsiz yakunlagan o‘zbekistonlik futbolchi, Qatar Yulduzlar Ligasidagi dastlabki ikki turda gol urishga muvaffaq bo‘ldi.
U 1-turda “Al-Vakrah” jamoasi postiga yo‘l topib, “Al-Jaish”ning 2:1 hisobidagi g‘alabasini ta’minladi. “Al-Arabi”ga qarshi bo‘lib o‘tgan o‘yinda esa Sardor Rashidovning zarbasini himoyachi darvozasi tomon burib yubordi va bu gol “Jaish”ning 4:3 hisobidagi g‘alabasi yo‘lida xizmat qildi.
Batafsil | Подробно | Read more... Daryo