Xitoyda 5 yil ichida 730 dan ortiq foydali qazilmalar koni topildi

Xitoy oxirgi besh yil ichida geologiya razvedkasi uchun 568,2 milliard yuan (85,2 milliard dollar) ajratdi. Shu tufayli mamlakatda 730 dan ortiq foydali qazilmalar koni aniqlandi. Bu haqda 23-sentabr, juma kuni Xitoy yer va tabiiy resurslar vaziri Szyan Damin ma’lum qildi, deya xabar bermoqda “Interfaks”.

Foto: “ANGI”

Aniqlangan birlamchi energiya resurslarining jami hajmi 11,7 milliard tonna shartli yoqilg‘i, 6,8 milliard tonna temir rudasi, 200 million tonna o‘nta rangli metallga yetdi.
Bir vaqtning o‘zida mamlakatda foydali qazilmalar tashqi savdosining rivojlanishi kuzatildi. Mineral mahsulotlar eksporti va importi umumiy hajmi besh yil ichida 81 foizga oshib, taxminan 5 trillion dollarni tashkil etdi.
Szyan Daminning so‘zlariga qaraganda, tog‘-kon sanoati rivoji Xitoy iqtisodiyotida muhim rol o‘ynaydi.
Rasmiy ma’lumotlarga ko‘ra, oxirgi besh yil ichida mamlakatda 256 ta yirik va 480 ta o‘rta qattiq foydali qazilmalar koni, zaxirasi 100 million tonna neft va 100 milliard kubometr tabiiy gazdan kam bo‘lmagan bir nechta neft va gaz konlari topilgan.
Batafsil | Подробно | Read more... Daryo