Internetda Pitt va Jolining ajrashishiga qarshi petitsiya e’lon qilindi

Change.org saytida amerikalik aktyorlar Bred Pitt va Anjelina Jolining ajrashishiga qarshi petitsiya e’lon qilindi, deb yozadi “Interfaks”.

Foto: AFP

“Uzoq yillar davomida ular sayyoraning barcha burchaklaridagi millionlab kishilar uchun mukammal juftlik namunasi bo‘lib keldi. Endi butun dunyo sevgiga bo‘lgan ishonchini yo‘qotishi mumkin”, — deyiladi petitsiyada.
Murojaatga Ukrainaning Zaporojye shahrida yashovchi Konstantin Andreyev mualliflik qildi, u rossiyalik qo‘shiqchi Sergey Shnurovga petitsiya yozish g‘oyasini bergani uchun minnatdorlik bildirdi.
Anjelina Joli ajrashish uchun ariza bergani haqida 20-sentabr kuni ma’lum bo‘ldi. Aktrisa bunga er-xotin o‘rtasidagi jiddiy kelishmovchiliklar, xususan, bolalar tarbiyasi masalasidagi ziddiyatlarni sabab qilib keltirdi.
Avvalroq Los-Anjeles (Kaliforniya shtati, AQSh) politsiyasi aktyor Bred Pittga qarshi ish ochgani, u o‘z bolalariga nisbatan shafqatsiz munosabatda bo‘lishda gumon qilinayotgani xabar berilgan edi .
Bred Pitt esa Anjelina Joli bilan birgalikdagi oilaviy hayotni jinnixonaga qiyosladi .
Batafsil | Подробно | Read more... Daryo