Makkadagi tiqilinchda halok bo‘lganlar soni 717 kishiga yetdi

Makka yaqinidagi Mino vodiysida ziyoratchilarning to‘planib qolishi oqibatida yuzaga kelgan tiqilinch tufayli halok bo‘lganlar soni 717 kishiga yetdi, jabrlanuvchilar soni 805 nafarni tashkil etmoqda. Bu haqda, Saudiya Arabistoni fuqaro muhofazasi boshqarmasiga asoslanib, “RIA Novosti” xabar bermoqda .

Foto: “RIA Novosti”

Eslatib o‘tamiz, oldinroq baxtsiz hodisa natijasida 453 kishining halok bo‘lgani, 719 kishi esa turli darajada tan jarohati olgani xabar qilingan edi .
Tiqilinch haj marosimlaridan biri — shaytonga tosh otish vaqtida ro‘y bergan. Marosim vaqtida 100 minglab odamlar bir joyga to‘planib qolgan va tartibsiz harakat qilgan.
Hozircha vafot etgan ziyoratchilarning fuqaroligiga oydinlik kiritilmadi. O‘z navbatida, O‘zbekiston Vazirlar Mahkamasi huzuridagi Din ishlari bo‘yicha qo‘mita hodisa qurbonlari va jabrlanuvchilari orasida O‘zbekiston fuqarolari yo‘qligini ma’lum qildi.
Batafsil | Подробно | Read more... Daryo