Saylovchilar kollegiyasi Estoniya prezidentini saylay olmadi

Saylovchilar kollegiyasi Estoniyaning yangi prezidentini saylay olmadi, deya xabar bermoqda “TASS”. Saylovlarning ikkinchi bosqichi yakunlariga ko‘ra nomzodlardan hech biri zarur bo‘lgan 168 ta ovozni qo‘lga kirita olmadi.

Foto: EPA

Ovoz berish natijalariga muvofiq, hukmron koalitsiyaga rahbarlik qiluvchi Islohotlar partiyasi faxriy raisi Siym Kallas 138 ta ovoz to‘pladi. Uning raqibi, sobiq adliya kansleri Allas Yiks 134 ta ovozga ega bo‘ldi. Yana 57 ta byulleten bo‘sh qoldi, uchtasi qonuniy kuchga ega emas, deb topildi. Ikki saylovchi ovoz bermadi.
Endi 14 kun davomida prezident saylovlari mamlakat parlamentida o‘tkaziladi.
24-sentabr kuni avvalroq bo‘lib o‘tgan saylovning birinchi bosqichida sobiq tashqi ishlar vaziri Marina Kalyurand saylovchilarning 75 ta ovozini qo‘lga kiritdi, Yiks 83 ta, Konservativ xalq partiyasi raisi Mart Xelme 16 ta, Kallas 81 ta, Markazchilar partiyasi ilgari surgan Maylis Reps esa 79 ta ovoz yig‘di.
Batafsil | Подробно | Read more... Daryo