Bred Pitt o‘g‘li Meddoks bilan qo‘pol munosabatda bo‘lgani uchun javobgarlikka tortilmaydigan bo‘ldi

Bred Pitt 15 yoshli o‘g‘li Meddoks bilan qo‘pol munosabatda bo‘lgani uchun jinoiy ta’qib qilinmaydi: politsiya va prokuraturada buning uchun yetarlicha dalillar yo‘q, deb xabar beradi “TASS”.

Pitt va Meddoks. Foto: TMZ

Hodisa o‘tgan haftada xususiy samolyotdagi reys davomida ro‘y berdi va bu haqda Los-Anjeles politsiyasiga ma’lum qilgan ekipaj a’zolaridan biri tufayli jamoatchilikka oshkor bo‘ldi. TMZ manbalariga ko‘ra, Meddoks Pittni g‘azabga keltirgan nimadir degan va aktyor, Anjelina Joli ikkisining o‘rtasiga turishga ulgurganiga qaramay, o‘g‘liga tashlangan.
Bolalar va oila himoyasi okrug bo‘limi xodimlari o‘smirni ko‘zdan kechirib, uning tanasida zarbalar izini aniqlamadi. Guvohlar ko‘rsatmasi chalkash bo‘lganligi sababli politsiya ham yuz bergan voqea tafsilotlariga aniqlik kiritolmadi. Shuningdek, hozircha hech kim huquq-tartibot idoralariga Pitt ustidan shikoyat etib murojaat qilmadi.
Ilgariroq Joli Pittdan ajralish niyatida tegishli hujjatlarni topshirgani ma’lum qilingan edi .
Batafsil | Подробно | Read more... Daryo