Gabon muxolifati prezident Ali Bongo saylovlarda g‘alabaga erishganini tan olmadi

Gabon muxolifati yetakchisi Jan Ping prezident Ali Bongo saylovlarda g‘alabaga erishganini o‘z kuchida qoldirgan mamlakat konstitutsiyaviy sudi qarorini “adolatsiz” deb atadi. Bu haqda “Interfaks” xabar bermoqda .

Ali Bongo. Foto: Reuters

Ping tarafdorlarini hushyorlikni yo‘qotmaslik va safarbarlikka tayyor turishga chaqirdi. Prezident esa keskinlikni pasaytirish uchun muxolifatning bir qator vakillarini hukumat tarkibiga kiritish taklifini berdi.
Ali Bongo 2009-yilda, 42 yil davomida mamlakatni boshqargan otasining o‘limidan so‘ng hokimiyatga kelgandi. Uning 99,9 % saylovchi qatnashgan provinsiyada 95 % ovoz to‘plagani Pingning sudga murojaat etishiga sabab bo‘ldi.
Muxolifat yetakchisi mazkur provinsiyada ovozlarni qayta hisoblash haqidagi apellyatsiyasi sud tomonidan rad etilsa, Gabon jiddiy beqarorlikka duch kelishi haqida ogohlantirdi.
Batafsil | Подробно | Read more... Daryo