OAV: Germaniya Afg‘onistonda nemis ayolni qutqarish uchun ilk bor kiberhujumni amalga oshirdi

Germaniya mudofaa vazirligi o‘z tarixida birinchi bor boshqa davlat telekommunikatsiya tarmog‘iga kiberhujumni amalga oshirdi. Der Spiegel nashriga ko‘ra, hujum o‘tgan yili Afg‘onistonda terrorchilar tutqunligida bo‘lgan nemis ayolni qutqarish operatsiyasi doirasida uyushtirilgan. Bu haqda “TASS” xabar bermoqda .

Foto: AFP

Hukumat va mudofaa vazirligi mazkur ma’lumotni izohlashdan bosh tortdi. TIV vakili 23-sentabr, juma kuni Berlinda o‘tkazilgan matbuot anjumanida gumanitar tashkilot xodimasi bo‘lgan ayol chindan ham ozod etilganini tasdiqladi, xolos.
OAVning bildirishicha, Afg‘oniston mobil operatori tarmog‘iga kompyuter hujumini internetdagi operatsiyalarga ixtisoslashgan harbiy bo‘linma amalga oshirgan. Bo‘linma oldiga jinoyatchilar va vositachilarning telefon qo‘ng‘iroqlari hamda manzillarini kuzatib borish vazifasi qo‘yilgandi.
Batafsil | Подробно | Read more... Daryo