AQSh va Yevropa Ittifoqi Suriyadagi guruhlarni “Jabhat an-Nusra” bilan hamkorlikni to‘xtatishga chaqirdi

Fransiya, Italiya, Germaniya, Birlashgan Qirollik, AQSh TIV rahbarlari va Yevropa Ittifoqining Oliy vakili Suriyada amal qiluvchi guruhlarni “Jabhat an-Nusra” bilan har qanday hamkorlikni to‘xtatishga chaqirdi. Bu haqda “Interfaks” xabar bermoqda .

Foto: “Telegraf”

“Biz Suriyada ‘Al-Qoida’dan ajralib chiqqan ‘an-Nusra’ terrorchi tashkiloti xalqaro hamjamiyatning dushmani ekanligi haqidagi umumiy qarashimizni tasdiqlaymiz. ‘An-Nusra’ Suriyada muvofiqlashtirilgan siyosiy o‘tish va inklyuziv demokratik kelajakni rad etadi va biz Suriyada kurash olib borayotgan barcha qurolli guruhlarni ‘an-Nusra’ bilan har qanday hamkorlikni to‘xtatishga da’vat qilamiz”, — deyiladi 24-sentabr, shanba kechqurun tarqatilgan qo‘shma bayonotda.
Shuningdek, Fransiya, Italiya, Germaniya, Birlashgan Qirollik, AQSh va Yevropa Ittifoqining Oliy vakili Suriya va Iroqda IShIDni yo‘q qilish tarafdori ekanligini tasdiqladi hamda Rossiyani o‘z va’dalarini bajarishga chaqirdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo