Xitoyda dunyodagi eng yirik radioteleskop foydalanishga topshirildi

Xitoy janubi–g‘arbidagi Guychjou provinsiyasi tog‘larida 25-sentabr, yakshanba kuni dunyodagi eng yirik FAST (Five Hundred Meter Aperture Spherical Telescope) radioteleskopi foydalanishga topshirildi. Qurilma ishga tushgan kunining o‘zida ilk suratlarni olishi kutilmoqda, deb xabar beradi “RBK”.

Foto: South China Morning Post

2011- yil martida boshlangan teleskop tayyorlanishi 2016-yil iyulida yakuniga yetdi. Hududi 30 futbol maydoniga teng, diametri 500 metr, 4450 ta uchburchakli qaytargichlarga ega.
Jami 1,2 milliard yuan (180 million dollar) investitsiya sarflangan mazkur loyiha operatori — SKA (Square Kilometer Arra) rahbari Filipp Daymondga ko‘ra, “FAST oldin hech qachon ko‘rib bo‘lmagan narsalarga nigoh tashlashga imkon beradi”. Olimlar qurilma yordamida g‘ayroiddiy koinot obyektlarini kuzatish, qora materiya va galaktikalar evolyutsiyasini o‘rganish, shuningdek, o‘zga sivilizatsiyalar qidiruvini olib borish bilan mashg‘ul bo‘lishi mumkin.
Ma’lumot uchun, FAST ishga tushirilgunga qadar Puerto-Rikodagi Aresibo observatoriyasida joylashgan 305 metrli qurilma dunyodagi eng yirik radioteleskop sanalardi.
Batafsil | Подробно | Read more... Daryo