Tailandda sobiq bosh vazir Chinavatga mas’uliyatsizligi uchun 1 mlrd dollar jarima belgilandi

Maxsus davlat komissiyasi Tailand sobiq bosh vaziri Yinglak Chinavatga o‘z  majburiyatlariga sovuqqonlik bilan munosabatda bo‘lgani uchun solinadigan jarima miqdorini aniqladi, deb yozadi “TASS”. Hukumat sobiq rahbari 35,7 milliard bat (1 milliard dollardan ziyod) jarimaga tortildi.

Foto: “Life.ru”

Fevral oyidayoq Tailand moliya vazirligi komissiyasi Yinglak Chinavatga nisbatan tekshiruvni yakunlab, uni 2013—2014-yillarda dehqonlardan garovga guruch sotib olish bo‘yicha davlat dasturini amalga oshirishda mas’uliyatsizlik ko‘rsatganlikda aybdor deb topgan edi. Biroq jarima miqdorini aniqlash uchun yana sakkiz oy kerak bo‘ldi.
Yinglak Chinavatning o‘zi ushbu ayblovlarni “nohaq” deb atamoqda. Jarima haqida qaror chiqarilgach, u Qirollikning hozirgi hukumatini unga va uning oila a’zolariga qarshi “qo‘sh standartlardan foydalanish”da aybladi.
Batafsil | Подробно | Read more... Daryo