Toshkent davlat texnika universiteti huzurida O‘zbekiston-Yaponiya yoshlar innovatsiya markazi tashkil etiladi

Abu Rayhon Beruniy nomidagi Toshkent davlat texnika universiteti huzurida O‘zbekiston-Yaponiya yoshlar innovatsiya markazi tashkil etiladi, deya xabar bermoqda “Gazeta.uz” hukumat qarori ( pdf )ga tayanib.

Foto: TDTU

Hujjatda ta’kidlanishicha, markazni tashkil etishdan maqsad respublika yosh olimlari va talabalari jahon amaliyoti va xalqaro andozalarga muvofiq ilmiy tadqiqotlar olib borishning, zamonaviy, ilg‘or usul va texnologiyalarini egallashlari uchun qulay shart-sharoitlar yaratish, respublika iqtisodiyotining bazaviy tarmoqlari uchun Yaponiya ilmiy va ta’lim muassasalarining olimlari hamda yetakchi mutaxassislari ishtirokida yuqori malakali mutaxassislarni sifatli tayyorlashdan iborat.
2015-yilning 25-oktabrida O‘zbekiston Respublikasi Hukumati bilan Yaponiya Hukumati o‘rtasida Abu Rayhon Beruniy nomidagi Toshkent davlat texnika universiteti huzurida O‘zbekiston-Yaponiya yoshlar innovatsion markazini tashkil etish bo‘yicha hamkorlik qilish to‘g‘risidagi Memorandum imzolangan edi.
Yaponiya tomonidan Sukuba, Nagoya, Keyyo universitetlari, Toyoxashi Texnologiya universiteti va Tokio texnologiya instituti markazning hamkorlari hisoblanadi.
Batafsil | Подробно | Read more... Daryo