Yaponiya parlamenti KXDRdagi yadroviy sinovlarni qoraladi

Yaponiya parlamentining Vakillar palatasi 26-sentyabr, dushanba kuni ochilgan navbatdan tashqari sessiyasida Shimoliy Koreyadagi yadroviy sinovlarni qoralovchi rezolyutsiyani bir ovozdan qabul qildi. Bu haqda “TASS” xabar bermoqda .

Foto: AFP

“Biz Shimoliy Koreyaning harakatlarini keskin qoralaymiz va xalqaro hamjamiyat bilan birgalikda BMT Xavfsizlik kengashining yangi rezolyutsiyasi qabul qilinishiga erishish yo‘lidagi urinishlarimizni davom ettiramiz”, — deya ta’kidladi navbatdan tashqari sessiyani ochib bergan bosh vazir Sindzo Abe. 
Abe Yaponiya bu borada Rossiya va Xitoy bilan yaqindan hamkorlik qilishini bildirdi. 
Eslatib o‘tamiz, 9-sentabr kuni Shimoliy Koreya o‘z tarixidagi beshinchi yadroviy sinovni o‘tkazdi . Mutaxassislarning so‘zlariga ko‘ra, bu mamlakat tarixidagi eng yirik yadroviy sinov bo‘lgan, KXDR rahbariyati esa endi yadroviy kallaklarni ballistik raketalarga o‘rnata olishini ma’lum qildi.
Janubiy Koreya harbiylarining fikricha , KXDR oktabr oyining birinchi o‘n kunligida navbatdagi yadroviy sinovlarni o‘tkazishga tayyorgarlik ko‘rayotgan bo‘lishi mumkin.
Batafsil | Подробно | Read more... Daryo