Gonkonglik milliarder 7,7 mln dollar miqdoridagi “Sivilizatsiyaga qo‘shgan hissasi uchun” mukofotini ta’sis etdi

Gonkonglik milliarder Lyuy Chjixe 60 million Gonkong dollari (7,7 million AQSh dollari) miqdoridagi har yili topshiriladigan “Dunyo sivilizatsiyasiga qo‘shgan hissasi uchun” mukofotini ta’sis etdi. Bu haqda “RIA Novosti” xabar berdi .

Foto: Fotolia

Mukofot uch yo‘nalishga bo‘linishi ko‘zda tutilgan. Uning sohiblariga 20 million Gonkong dollari (2,58 million AQSh dollari) taqdim etiladi. Birinchi taqdirlash marosimi 2016-yilda bo‘lib o‘tadi.
Mukofotlar topshiriladigan yo‘nalishlar har yili o‘zgarib turadi. Masalan, 2016-yili “Oziq-ovqat xavfsizligi”, “Epidemiyalar, yuqumli va surunkali kasalliklarni davolash” hamda “Hayotga ijobiy yondashuvni ilgari surgani uchun” nominatsiyalari bo‘yicha beriladi.
Lyuy Chjixe 1929-yilda Xitoyning Guandun provinsiyasida tug‘ilgan. K.Wah International Holdings ko‘chmas mulk kompaniyasi boshqaruv raisi hamda Makaodagi Galaxy Entertainment Group qimorxonalar tarmog‘i egasi hisoblanadi. Forbes uning mol-mulkini 7,2 milliard AQSh dollari atrofida baholagan.
Batafsil | Подробно | Read more... Daryo