Xitoyning eng boy fuqarosi “Oltin globus” mukofoti ta’sischisini sotib olmoqchi

Forbes versiyasiga ko‘ra eng badavlat xitoylik Van Szyanlinga tegishli Dalian Wanda mediaguruhi Amerikaning Dick Clark Productions kompaniyasini sotib olish haqida muzokaralar olib bormoqda. Bu haqda The Wall Street Journal vaziyatdan xabardor manbalariga tayanib ma’lum qildi, deb yozadi “RBK”.

Foto: “Allthehitssofar.com”

Agar bitimga erishilsa, Dalian Wanda Group Dick Clark Productions tashkilotchilik qiladigan “Oltin Globus” va American Music Awards marosimlarini o‘tkazish huquqini qo‘lga kiritadi. Ehtimoliy oldi-sotdi 1 milliard dollarga baholanmoqda.
Shu bilan birga, nashr manbalaridan biri ta’kidlashicha, muzokaralar  hamon dastlabki bosqichda turibdi, chunki tomonlar aktivlarning qiymati haqida kelishib ololganicha yo‘q.
Batafsil | Подробно | Read more... Daryo