Bu kompaniya xodimlariga ta’tilni o‘zlari istagan joyda o‘tkazishi uchun 2000 dollardan to‘laydi

SteelHouse marketing kompaniyasi xodimlari “mehnat jafokashlari” bo‘lib chiqdi: ularga ta’til berilganida, ular bunga qanday munosabatda bo‘lishni bilmay qoldi, deb yozadi AdMe.

Foto: AdMe

Shunda kompaniya direktori Mark Duglas o‘z ishchilari istagan joyida hordiq chiqarishi uchun ularga 2000 ming dollarlik bonuslar berishga qaror qildi. Bonus faqat ta’til uchun sarflanishi mumkin bo‘ldi.
Boshqacha aytganda, yiliga bir marta ishchilar kompaniya hisobidan istagan joyiga borib, xohlaganicha dam olish imkoniyatiga ega bo‘ldi. Albatta, bonusni ta’tilga sarflamasdan, shunchaki o‘ziga olib qolish istagida bo‘lganlar ham topildi, biroq Mark ularni qayergadir borib, yaxshi vaqt o‘tkazib kelishga undadi.
Albatta buning natijasi o‘zini namoyon qilmay qo‘ymadi: so‘nggi uch yil ichida kompaniyaning 250 nafar xodimidan besh nafarigina ishdan ketdi, ulardan uch kishi buni ish bilan bog‘liq bo‘lmagan sabablarga ko‘ra amalga oshirdi. Shuningdek, “bonusli” ta’tildan so‘ng odamlar yangi kuch-g‘ayratga to‘lib kelishi va yanada samaraliroq ishlashi ma’lum bo‘ldi.
Batafsil | Подробно | Read more... Daryo