“Al Qoida”dan “Real”gacha: eng taniqli suriyalik qochoqni jangariga chiqarishdi

Sentabr boshida internetda Vengriya telekanali jurnalisti qo‘lida bolasi bilan politsiyadan qochayotgan erkakni oyog‘i bilan chalib yuborgani aks etgan video tarqalib ketgan edi. Buning uchun jurnalist ayol ishdan haydaldi.

Foto: Reuters

Videoyozuv tufayli tanilgan suriyalik qochoq Usama Muhsin futbol murabbiyi bo‘lib chiqdi. Uni Ispaniyadagi sport maktabiga ishga qabul qilishdi. Uning o‘g‘li esa Krishtianu Ronalduga 20-sentabr kuni “Granada” bilan o‘yinga chiqishda hamrohlik qildi .
Sentabr oxirida ba’zi OAVlar Muhsin aslida ekstremistlar tarafdori va “Al Qoida”, aniqrog‘i, terrorchilik tarmog‘i bilan chambarchas bog‘liq bo‘lgan “Front an Nusra” guruhi jangarisi ekanligi haqida mish-mishlar tarqatdi, deb yozadi Meduza.
Bunday xabarlar Muhsinning Facebook’dagi sahifasiga asoslangan bo‘lib, ularda yozilishicha, profilidagi surati fonida arabcha yozuv tushirilgan qora bayroqni ko‘rish mumkin. Ko‘pchilik xabarlarda ta’kidlanishicha, ushbu bayroq “Front an Nusra”ga tegishli. Bundan tashqari, Muhsin o‘z Facebook’ida 2013-yil oxirida Bashar Asadga qarshi kurash olib borayotgan sunniylarni qo‘llab-quvvatlashi haqida yozgan bo‘lib, bu ham unga qarshi qo‘llandi.
Muhsinning o‘zi bayroq bilan bog‘liq hech qanday muammoni ko‘rmayotganini, bunday arabcha yozuv, masalan, Saudiya Arabistoni bayrog‘ida ham borligini ta’kidladi. Shuningdek, haqiqatan ham Asadni qo‘llab-quvvatlamasligi va 2011-yilda norozilik aksiyalarida qatnashganini, biroq “Front an Nusra”ga qo‘shilmaganini aytdi.
Batafsil | Подробно | Read more... Daryo