Xitoylik shifokorlarga yangi modeldagi iPhone’larni sotib olish taqiqlandi

Xitoyning Chunsin shahridagi kasalxonalardan birining shifokorlariga Apple kompaniyasining yangi modeldagi smartfonlari — iPhone 7 va iPhone 7 Plus sotib olish taqiqlab qo‘yildi, aks holda, ularni ishdan bo‘shatish bilan tahdid qilishdi, deb yozadi “Korrespondent.net”.

Foto: Getty Images

Ayollar kasalxonasi xodimlariga nisbatan qo‘llanilgan bunday taqiqdan maqsad “ekstravagant” turmush belgilariga qarshi kurashdan iborat. Muassasa xabarida aytilishicha, taqiqni buzgan har qanday xodim yil yakunlariga ko‘ra beriladigan mukofot pulidan ayrilishi yoki hatto ishdan haydalishi mumkin.
Kasalxona direktori so‘zlariga ko‘ra, yangi iPhone’larning taqiqlanishi mahalliy brendlarni qo‘llab-quvvatlashga qaratilgan. Uning ta’kidlashicha, xodimlarga bungacha Apple’ning boshqa modeldagi smartfonlari — iPhone 6 va iPhone 5’dan foydalanish ham man etilgan edi.
Batafsil | Подробно | Read more... Daryo