O‘zbekiston delegatsiyasi Ozarbayjonda iste’molchilar huquqlarini himoya qilish faoliyati bilan tanishdi

O‘zbekiston Iste’molchilar huquqlarini himoya qilish jamiyatlari federatsiyasi (O‘IHHQJF) delegatsiyasi 22—26-sentabr kunlari Ozarbayjon Ozod iste’molchilar ittifoqi (OOII) taklifiga binoan Ozarbayjonga safar qildi. Bu haqda UZ24 xabar bermoqda .

Foto: Uz24

Safar chog‘ida O‘IHHQJF bilan OOII o‘rtasida anglashuv memorandumi imzolandi. Unga ko‘ra, tomonlar o‘zaro axborot almashish, qo‘shma loyihalar va dasturlarni ishlab chiqish va amalga oshirish, mutaxassis va delegatsiyalar almashuvi, birgalikda uchrashuv, konferensiya, seminar va simpoziumlar tashkil qilish to‘g‘risida kelishib oldi.
O‘zbekiston delegatsiyasi a’zolari safar davomida OOIIning Ozarbayjon iste’molchilari huquqlarini himoya qilishi borasidagi faoliyati bilan yaqindan tanishdi. Ozarbayjonlik hamkasblarga O‘zbekistonda NNT faoliyat yuritishi uchun yaratilgan sharoitlar va bevosita Federatsiya faoliyati haqida hikoya qiluvchi videorolik namoyish etildi.
Shuningdek, Ozarbayjon prezidenti huzuridagi NNTni davlat qo‘llab-quvvatlashi bo‘yicha kengash idorasi, Iqtisodiyot vazirligi huzuridagi Aksilmonopoliya siyosati va iste’molchilar huquqlarini himoya qilish bo‘yicha davlat xizmati va NNT forumida uchrashuvlar o‘tkazib, iste’molchilar huquqlarini himoya qilish yuzasidan fikr almashdi.
Batafsil | Подробно | Read more... Daryo