Tadqiqotchilar 300 mln yil avval yashagan ulkan mingoyoqlarning tosh qoldiqlarini aniqladi

AQSh va Kanada paleontologlari ikki davlat sohillarini yuvuvchi Fandi ko‘rfazi qirg‘og‘idagi Joggins-Kliffs qoyalaridan avval fanga ma’lum bo‘lmagan ulkan mingoyoqlarning uchta turi tosh qoldiqlarini aniqladi. Bu haqda “TASS” xabar bermoqda .

Foto: National Geographic

Mingoyoqlarning uzunligi 30 santimetrga borgani ehtimoldan holi emas. Ular o‘txo‘r bo‘lgan va bundan taxminan 300 million yil avval, ya’ni tosh-ko‘mir davrida qadimgi o‘rmonlarda istiqomat qilgan.
“Namunalarda ko‘plab oyoqlar izlari ko‘rinib turibdi, biroq ular to‘lig‘icha qanday ko‘rinishga ega bo‘lganini bilmaymiz. Balki ularda umurtqaga o‘xshash nimadir bo‘lgandir, balki yo‘q”, — deydi Klivlend tabiat tarixi muzeyi paleontologi Jo Xennibel.
Tadqiqotchining so‘zlariga ko‘ra, hozirda olimlar mazkur ko‘poyoqli jonivorlar evolyutsiya jarayonida qanday o‘rin egallaganini aniqlashga harakat qilmoqda. 
Batafsil | Подробно | Read more... Daryo