Sem Ellardays iste’foga chiqarilgan kuni Angliya termasi futbolchilariga tabriknomalar yo‘llagani ma’lum bo‘ldi

Futbol bo‘yicha Angliya terma jamoasi futbolchilari korrupsiyaga aloqador deb topilgan hamda terma bosh murabbiyi lavozimidan ozod etilgan Sem Ellardaysdan, u iste’fosiga chiqqanidan ikki kun o‘tib, “Birgalikdagi sayohatimiz boshlandi!” so‘zlari bitilgan tabrik maktublarini oldi. Bu haqda, Mirror gazetasiga tayanib, “TASS” xabar bermoqda .

Foto: Sky Sports

Ellardays futbolchilarga maktublarni 27-sentabr kuni, u bosh murabbiylikdan ozod etilgan kuni yuborgan. Biroq uning tabriknomalari futbolchilarga ikki kundan so‘ng yetib borgan.
“Yaxshi ishladingiz! Bizning sayohat g‘alaba bilan boshlandi. Sabrsizlik bilan uchrashuvimizni kutyapman. Sem Ellardays”, — deyiladi maktubda.
Sem Ellardays Angliya terma jamoasi bosh murabbiyi sifatida 67 kun ishladi. Uning qo‘li ostida jamoa bitta o‘yin o‘tkazdi.
4-sentabr kuni Slovakiya termasiga qarshi JCh—2018 saralash uchrashuvida inglizlar 1:0 hisobida g‘alaba qozongan edi.
Ellardaysning iste’fosidan so‘ng Angliya terma jamoasini Garet Sautgeyt vaqtincha boshqarib turadigan bo‘ldi .
Batafsil | Подробно | Read more... Daryo