Volkswagen AQShda biznesi “dizel mojarosi”dan zarar ko‘rgan dilerlarga 1,2 mlrd dollar to‘laydi

Germaniyaning Volkswagen avtomobilsozlik konserni AQShda kompaniya tomonidan ekologik me’yorlar buzilishining fosh bo‘lishi bilan bog‘liq mojarodan biznesi zarar ko‘rgan avtodilerlarga 1,2 milliard dollar to‘laydi. Tegishli da’volar San-Fransiskodagi sudda hal etildi, deb yozadi “TASS”.

Foto: AP

Kelishuv endi sudya tomonidan rasman tasdiqlanishi kerak. Tovon puli beriladigan dilerlarning aniq soni aytilmayapti, ammo AP ta’kidlashicha, avtomobil sotuvchilariga bitimdan chiqib, konsernga qarshi individual tartibda da’vo berishga ruxsat etilgan.
Iyul oyida sud dastlabki tartibda AQSh hukumati va Volkswagen o‘rtasidagi kelishuvni tasdiqlagan edi, unga ko‘ra, kompaniya ekologik me’yorlarni buzgani uchun 15 milliard dollar to‘lash majburiyatini oladi. Bitim yakuniy ravishda tasdiqlanadigan eshituvlar oktabrda bo‘lib o‘tadi.
Avvalroq Germaniyaning Volkswagen avtokonserni investorlari kompaniyaga qarshi da’vo bilan chiqib, undan umumiy miqdorda 8,2 milliard yevro tovon puli talab qilayotgani xabar berilgan edi .
Batafsil | Подробно | Read more... Daryo