Erdo‘g‘on Rossiya bilan aloqalarni yangi darajaga olib chiqmoqchi

Turkiya prezidenti Rajab Toyyib Erdo‘g‘on Rossiya bilan munosabatlarni 2015-yilda Turkiya harbiy havo kuchlari tomonidan Rossiyaning Su-24 bombardimonchisi urib tushirilishi bilan bog‘liq inqirozga qadar bo‘lganidan ham yuqoriroq darajaga olib chiqmoqchi. Bu haqda u Anqarada Turkiya parlamenti kuzgi sessiyasining ochilish marosimida nutq so‘zlayotib aytib o‘tdi, deb yozadi “Vedomosti”.

Foto: “RIA Novosti”

Turkiya yetakchisi so‘zlariga ko‘ra, mamlakat o‘z oldiga qo‘shnilar bilan aloqalarni normallashtirish vazifasini qo‘yadi. Rossiya bilan qishloq xo‘jaligi, energetika, iqtisodiyot, sayyohlik kabi turli mavzularda muzokaralar olib borilmoqda, dedi u.
Erdo‘g‘onning bayonoti OAVlar Rossiya prezidenti Vladimir Putinning Turkiyaga ehtimoliy tashrifi haqida xabarlar tarqatayotgan bir paytda yangradi. Mahalliy OAVlar ma’lumotlariga ko‘ra, Rossiya yetakchisi Turkiyaga oktabrda, Istanbulda Jahon energetika kongressi o‘tkaziladigan vaqtda tashrif buyurishi mumkin.
Batafsil | Подробно | Read more... Daryo