O‘zbekistonga qarshi o‘yinda 3 ta gol va 1 ta avtogol urgan Rikardinyo JCh—2016 ning eng yaxshi to‘purari bo‘ldi

Argentina terma jamoasining chempionligi bilan yakuniga yetgan futzal mundialidan keyin eng yaxshilarni taqdirlash marosimi bo‘lib o‘tdi.

Foto: Getty Images

Unga ko‘ra portugaliyalik futzalchi Rikardinyo 12 ta gol bilan eng yaxshi to‘purar uchun atalgan sovrinni o‘ziniki qilib oldi. Guruh bosqichida Rikardinyo O‘zbekiston darvozasiga 3 ta gol urgan bo‘lib, o‘sha uchrashuvda o‘z darvozasini ishg‘ol qilishni ham unutmagandi.
To‘purarlar poygasida ikkinchi o‘rin braziliyalik Falkaoga nasib qildi. Uning hisobida 10 ta gol bor edi. Rossiyalik Eder Limaga ham 10 ta gol urganiga qaramay, 3-o‘rinda qoldi. Chunki unda golli uzatmalar soni Falkaonikidan 7 taga kamroq edi.
Jahon Chempionatining eng yaxshi darvozaboni deb argentinalik Nikolas Sarmiyento topildi. U turnir davomida 73 ta seyvni amalga oshirib, yakunda Argentinaning chempion bo‘lishiga katta hissa qo‘shdi. Jumladan, Qozog‘iston, Ukraina, Misr termalariga qarshi o‘yinlarda darvozasi dahlsizligini saqlab qoldi.

Foto: Getty Images

Argentina terma jamoasi sardori Fernando Vilgelm JCh—2016 ning eng yaxshi futzalchisi uchun atalgan sovringa ega chiqdi. Rossiyalik Eder Lima ikkinchi, eronlik Ahmad Ismoilpur uchinchi bo‘lish baxtiga musharraf chiqdi.

Foto: Getty Images


Batafsil | Подробно | Read more... Daryo