Ilhom Aliyev Rim papasi bilan uchrashdi

Ozarbayjon prezidenti Ilhom Aliyev mamlakatga bir kunlik safar bilan tashrif buyurgan Rim papasi Fransisk bilan uchrashdi. Bu haqda “TASS” xabar berdi .

Foto: EPA

Uchrashuv chog‘ida mamlakat rahbari pontifikning tashrifi turli madaniyat va dinlar muloqotining muhimligini ko‘rsatishi haqida gapirib o‘tdi.
Haydar Aliyev markazining katta zalida bo‘lib o‘tgan uchrashuvida Ozarbayjon jamoatchiligi va turli konfessiya vakillari to‘plandi.
“Sizning tashrifingiz butun insoniyat uchun muhim, negaki sivilizatsiyalar muloqoti tirik ekanini va rivojlanayotganini ko‘rsatadi”, — dedi Aliyev.
Ilhom Aliyev Ozarbayjon ushbu muloqotga hissa qo‘shishga intilayotganini ta’kidlab o‘tdi.
Ozarbayjon yetakchisi respublikada turli xalq va din vakillari tinchlik va birodarlik ruhida yashayotganini alohida qayd qilib o‘tdi.
“Biz barcha xalqlarning tarixiy va madaniy yodgorliklarini avaylab-asramoqdamiz, mamlakatimizda pravoslav ibodatxonalari, sinagogalar qurilmoqda, 2008-yilda esa katolik cherkovi bunyod etildi”, — dedi Aliyev.
Batafsil | Подробно | Read more... Daryo