Toshkentda Hindiston sobiq bosh vaziri Lal Bahodir Shastrining tavallud kuni nishonlandi

2-oktabr, Hindiston sobiq bosh vaziri Lal Bahodir Shastrining tug‘ilgan kunida uning Toshkentdagi haykaliga gul qo‘yish marosimi bo‘lib o‘tdi, deb yozadi “Kultura.uz”.

Foto: “Kultura.uz”

Tantanali marosimda Hindiston elchisi janob Vinor Kumar, elchixona xodimlari, haykal joylashgan “Nur” mahallasi vakillari, mahalliy aholi qatnashdi.
Lal Bahodir Shastri 1964-yilda Hindiston bosh vaziriga aylangan. Keyingi yilda Ikkinchi Hindiston-Pokiston urushi boshlangan, yil oxirida Shastrining harakatlari evaziga yarashuvga erishilgan. 1966-yil yanvarida Toshkentda sobiq Ittifoq vositachiligida Hindiston-Pokiston muzokaralari o‘tkazilgan. Ularning natijalariga ko‘ra, 10-yanvarda bu yerda urushga nuqta qo‘ygan Toshkent deklaratsiyasi imzolangan. Ertasi kuni esa Shastri yurak xurujidan vafot etgan.
Toshkentdagi 24-o‘rta maktabga, markazdagi ko‘chalardan biriga Shastri nomi berilgan, shuningdek, xiyobonlardan birida uning haykali qad rostlagan.
Batafsil | Подробно | Read more... Daryo