Jizzaxda O‘zbekiston Respublikasi Prezidenti saylovini o‘tkazuvchi 466 saylov uchastkasi tuzildi

O‘zbekiston Respublikasi Prezidenti saylovini o‘tkazuvchi 4-Jizzax okrug saylov komissiyasining majlisi bo‘lib o‘tdi. Bu haqda O‘zA xabar bermoqda .

Foto: Jizzax viloyat hokimligi axborot xizmati

Majlisda O‘zbekiston Respublikasi Prezidenti saylovini o‘tkazuvchi uchastka saylov komissiyalarini tuzish haqidagi masala ko‘rib chiqildi. “O‘zbekiston Respublikasi Prezidenti saylovi to‘g‘risida”gi qonunning 10 va 11-moddalariga muvofiq tuman, shahar hokimliklari hamda harbiy qism komandirlarining saylov uchastkalari tuzish bo‘yicha taqdimnomalariga asosan okrug hududida 466 saylov uchastkasi tuzilgani ta’kidlandi. Majlisda shu masala yuzasidan tegishli qaror qabul qilindi. 
Ommaviy axborot vositalari xodimlari uchun o‘tkazilgan brifingda 4-Jizzax okrug saylov komissiyasi raisi A. Sattorov O‘zbekiston Respublikasi Prezidenti sayloviga tayyorgarlik ko‘rish va uni o‘tkazish bilan bog‘liq vazifalar tegishli qonun talablari hamda Markaziy saylov komissiyasi tomonidan belgilangan tadbirlar rejasi asosida amalga oshirilayotgani to‘g‘risida axborot berdi. 
Jumladan, saylov uchastkalari qonunda belgilangan me’yorlar asosida tuzilib, ularning samarali faoliyat yuritishi uchun barcha qulaylik yaratildi. Uchastkalar saylovchilar kelishi uchun qulay binolarda joylashtirilib, ularni zamonaviy jihozlash ishlari boshlab yuborilgan. 
Batafsil | Подробно | Read more... Daryo