Parijda tunab ketilgan Kim Kardashyan 20 nafar tansoqchi yolladi

Fransiya poytaxtidagi o‘g‘rilik Amerika realiti-shou yulduzi Kim Kardashyanni shoshilinch ravishda AQShga qaytishga va tansoqchilar yollashga majbur qildi, deb yozadi “TASS”.

Foto: AP Photo

Kim Nyu-Yorkka onasi Kris Jenner va uning do‘sti Kori Gembla hamrohligida yetib keldi. Aeroportda fotomodelni uning turmush o‘rtog‘i mashhur reper Kanye Uest kutib oldi.
Nyu-Yorkda Kim va uning oila a’zolari jurnalistlar bilan muloqot olib bormadi. 20 nafarga yaqin tansoqchi va Nyu-York politsiya boshqarmasining kamida ikki patruli uning xavfsizligini ta’minladi. Qo‘riqchilar o‘nta yo‘ltanlamasdan iborat kortejda harakatlanib, to‘xtagan paytda avtomobillar harakatni to‘liq yopib qo‘ygan.
Muqaddam Kardashyan Parijdagi mehmonxonada noma’lum shaxslar tarafidan garovga olingani  ma’lum qilingan edi . Kim Kardashyan politsiyaga ko‘rsatma berishi hamon Fransiya hududini xususiy samolyotda tark etgan edi.
Batafsil | Подробно | Read more... Daryo