Google yangi Pixel smartfonlarini taqdim etdi (foto)

Google kompaniyasi yangi lineykadagi smartfonlar — Pixel va Pixel XL’ni taqdim etdi, ular bozorda Nexus qurilmalari o‘rnini egallaydi, deb yozadi “Hi-tech.mail.ru”. Yangi telefonlar DxOMark nashri versiyasiga ko‘ra, dunyodagi eng yaxshi kameraga ega bo‘ldi.

Foto: “Hi-tech.mail.ru”

Pixel smartfonlari Google Assistant ichki yordamchisi bo‘lgan birinchi qurilmalarga aylanadi, u Google Now kabi Home tugmasini uzoq vaqt bosib turish orqali ishga tushiriladi.

Foto: “Hi-tech.mail.ru”

DxOMark tadqiqot kompaniyasi Pixel’ni barcha mobil qurilmalar orasidagi eng yuqori baho — 89 ball bilan taqdirladi (Iphone 7’da — 86 ball). Kompaniya video uchun juda samarali stabilizatsiya tizimini ishlab chiqdi va ochish tugmasini bosishdan avvalgi bir necha soniyalar ichida suratlarni saqlash funksiyasini qo‘shdi.
Pixel foydalanuvchilari kichraytirilmagan foto va videolar uchun Google Photos’da cheksiz bulutli omborga ega bo‘ladi.

Foto: “Hi-tech.mail.ru”

Pixel va Pixel XL ekranlari diagonaliga ko‘ra farqlanadi, qolgan xususiyatlar ikkalasida ham bir xil. Qurilmalar to‘rt yadroli Snapdragon 821 chipseti, 32—128 Gb ichki xotira, 4 Gb tezkor xotira, 5/5,5 dyuymli AMOLED-displey, 12,3 megapikselli asosiy va 8 megapikselli old kamera, 2770/3450 mA/soat sig‘imli akkumulyator, barmoq izi skaneriga ega.

Foto: “Hi-tech.mail.ru”

Smartfonlar metalldan yasalgan bo‘lib, orqa tomoniga shisha detal o‘rnatilgan. “To‘liq qora”, “real ko‘k” va “juda kumushrang” kabi uchta rangda chiqariladi.
Eng kichik versiyaning narxi 649 dollardan boshlanadi.
Batafsil | Подробно | Read more... Daryo