Lead Pakistan: O‘zbekistonda har bir siyosiy partiya har bir saylov uchastkasida o‘z kuzatuvchisini tayinlash huquqiga ega

Pokistonning Lead Pakistan gazetasi sahifalarida O‘zbekistonda bo‘lib o‘tadigan prezidentlik saylovlariga bag‘ishlangan maqola joylashtirildi. Uning muallifi Defense Journal jurnalining geosiyosiy masalalar bo‘yicha bo‘lim boshlig‘i Mahmud Ul Hasan Xon bo‘lib, u O‘zbekiston 2014-yilda o‘tkazilgan parlament saylovlarida xalqaro kuzatuvchi sifatida qatnashgan edi, deb yozadi “Jahon”.

Foto: “Jahon”

“Mamlakatda fuqarolarning barcha huquq va erkinliklari ta’minlangan, amalga oshirilayotgan islohotlarga kelsak, ular odamlarning farovon hayotini doimiy ravishda oshirishga yo‘naltirilgan”, — deb yozadi muallif.
“O‘zbekistonda boshqa demokratik davlatlarda bo‘lgani kabi xalq davlat boshqaruvi organlaridagi vakillarini to‘g‘ridan-to‘g‘ri ovoz berish yo‘li bilan saylaydi. Yaqinda bo‘lib o‘tadigan prezidentlik saylovlari munosabati bilan mamlakatning barcha siyosiy partiyalari prezidentlik uchun nomzodlarni ilgari surish uchun maslahatlashuvlarga kirishdi. Ularga saylovlarda ishtirok etish uchun teng huquqlar va saylovchilar bilan uchrashuvlarni tashkil etish, targ‘ibot kampaniyalarini o‘tkazish hamda o‘z saylovoldi dasturlarini OAVlar orqali tarqatish uchun bir xil imkoniyatlar taqdim etilgan”, — deb ta’kidlaydi Mahmud Ul Hasan Xon.
Pokiston gazetasi O‘zbekistonda har bir siyosiy partiya har bir saylov uchastkasida o‘z kuzatuvchisini tayinlash huquqiga ega ekanligiga mushtariylarining e’tiborini qaratadi.
Lead Pakistan O‘zbekistonda xalqaro kuzatuvchilar bilan bir qatorda nodavlat tashkilotlarga ham saylov jarayonlari bo‘yicha monitoringni amalga oshirish uchun barcha shart-sharoitlar yaratilganligi haqida xulosa beradi.
Batafsil | Подробно | Read more... Daryo