“MYu” dunyodagi eng qimmat tarkibga ega bo‘lgan klublar orasida “Real”ni ortda qoldirib, 1-o‘rinni egalladi

Futbolchilar tahlili va eksklyuziv ma’lumotlarni taqdim qiluvchi Shveysariyaning CIES Football Observatory kompaniyasi o‘ziga xos tadqiqot o‘tkazib, dunyodagi eng qimmat tarkibga ega bo‘lgan klublar ro‘yxatini e’lon qildi. Bu haqda “iSport.ua” xabar bermoqda .

Foto: Metro

Klublar tarkibining qiymatini hisoblashda futbolchilarning transfer narxi va ularning maoshi inobatga olindi. Pol Pogbani 105 million yevroga sotib olgan “Manchester Yunayted” bu borada birinchi o‘ringa ko‘tarilib oldi. Ayni damda mankunianlarning tarkibi 718 million yevroga baholanmoqda.
Tarkibi qimmatligi bo‘yicha ikkinchi o‘rinni Madridning “Real” klubi egalladi – 634 million yevro. Uchinchi o‘rinda 611 million yevro bilan “Manchester Siti” bormoqda. Tarkibi 485 million yevroga baholangan “Barselona” ushbu reytingda to‘rtinchi o‘rinni egalladi.

Foto: “iSport.ua”

Bundan tashqari, so‘nggi 10 yil ichida transferlar uchun eng ko‘p mablag‘ sarflagan klublar o‘nligi tuzib chiqildi.
Bu borada “Manchester Siti” katta ustunlik bilan peshqadamlik qilmoqda. 2006-yildan buyon “shaharliklar” futbolchilarni xarid qilish uchun 1 milliard yevrodan ortiq pul ishlatgan. Shulardan 231 million yevro 2016-yilning yozida sarflandi.
“Chelsi” so‘nggi 10 yilda 871 million yevro, “Manchester Yunayted” esa 841 million yevro sarflagan.

Foto: “iSport.ua”


Batafsil | Подробно | Read more... Daryo