Yahoo! maxsus xizmatlar so‘roviga ko‘ra yashirin kuzatuv dasturini ishlatganini rad etdi

Yahoo! kompaniyasi Reuters agentligining kompaniya maxsus xizmatlar iltimosini bajarib, foydalanuvchilarni kuzatish uchun maxsus dasturiy ta’minot yaratgani haqidagi xabarlarini rad etdi, deb yozadi “RBK”.

Foto: Yahoo!

Yahoo! ushbu xabarlarni “haqiqatga to‘g‘ri kelmaydigan” deb topdi.
“Biz hukumatning foydalanuvchilar ma’lumotlarini oshkor qilish to‘g‘risidagi har bir savolini puxtalik bilan o‘ylab ko‘ramiz va buni minimumga olib borishga harakat qilamiz. Maqolada keltirilgan pochtani skanerlash usuli tizimimizda mavjud emas”, — deyiladi kompaniya xabarida.
Avvalroq Reuters agentligi Amerikaning Yahoo! kompaniyasi 2015-yilda AQSh maxsus xizmatlari talabiga bo‘ysunib, foydalanuvchilarning elektron pochtalariga kelayotgan barcha xatlarni ko‘rish uchun mo‘ljallangan dasturiy ta’minot ishlab chiqqanini xabar qilgan edi . Agentlik manbalariga ko‘ra, dastur matnli xabar yoki ilova qilingan fayl ichidagi kerakli so‘z yoki so‘z birikmasini topishga qodir.
Yahoo rahbariyatiga qaratilgan talab Milliy xavfsizlik agentligi va Federal qidiruv byurosi nomidan yuborilgan maxfiy ko‘rsatmada keltirilgan. Ularning ruxsati bilan kompaniya yuz millionlab elektron xatlarni tahlil qilib chiqqan.
Batafsil | Подробно | Read more... Daryo