OAV: Britaniyalik bokschi Tayson Fyurining ikkinchi doping-testida ham kokain izlari aniqlandi

Boks bo‘yicha superog‘ir vazn toifasida Butunjahon boks uyushmasi (WBA) va Butunjahon boks tashkiloti (WBO) versiyalari bo‘yicha jahon chempioni britaniyalik Tayson Fyurining ikkinchi doping-testida ham kokain izlari aniqlandi. Bu haqda ESPN telekanaliga tayanib, “TASS” xabar bermoqda .

Foto: EPA

Bokschining namunasi 21-sentabr kuni olingandi. Avvalroq Fyurining 22-sentabr kuni topshirgan doping-testida kokain aniqlangani haqida xabar berilgandi . Shuningdek, britaniyalik sportchi barcha kamarlaridan mahrum qilinishi mumkinligi ma’lum qilingan edi .
Keyinroq Tayson Fyuri kokain giyohvand moddasini iste’mol qilganini tan oldi . Bokschi depressiya tufayli so‘nggi to‘rt oyda ko‘p miqdorda kokain qabul qilganini ta’kidladi.
Ma’lumot uchun, Tayson Fyuri ukrainalik Vladimir Klichko bilan revansh jangini o‘tkazishi kerak edi. Dastlab jang 9-iyuldan 29-oktabrga , keyinroq esa 29-oktabrdan noma’lum muddatga qoldirildi.
Bokschilar o‘rtasidagi jang qoldirilishining rasmiy sababi sifatida Fyurining jarohati ko‘rsatilgan, ammo keyinroq OAV britaniyalik bokschi ruhiy muammolarga duch kelganini ma’lum qilgan edi.
Batafsil | Подробно | Read more... Daryo