Rossiya Afg‘onistonga to‘g‘ridan-to‘g‘ri yoki BMT tizimi orqali yordam beradi

Rossiya Afg‘onistonga xalqaro jamg‘armalarning vositachiligisiz, to‘g‘ridan-to‘g‘ri yoki BMT tizimi orqali yordam beradi. Bu haqda 5-oktabr, chorshanba kuni Rossiya Federatsiyasi prezidentining Afg‘oniston bo‘yicha maxsus vakili Zamir Kabulov jurnalistlarga ma’lum qildi, deb yozadi “TASS”.

Foto: “RIA Novosti”

Zamir Kabulov Bryusselda bo‘lib o‘tgan Afg‘oniston donorlari xalqaro konferensiyasida Rossiya nomidan qatnashdi.
“Biz hech qanday xalqaro jamg‘armaga ishonmaymiz. Shuning uchun ham Afg‘onistonga berayotgan oz bo‘lsa-da, muhim ko‘makni nazorat qilishni istaymiz. Pullar qayoqqadir sarflanayotgan, biroq biz natijasini ko‘rmayotgan umumiy qozonga ishonmaymiz”, — deb ta’kidladi u.
“Biz oxirgi ikki yil ichida Afg‘onistonga ikki tomonlama yo‘l va BMT orqali 46 ming tonna turli shakldagi gumanitar yordam yetkazdik”, — dedi u.
U, shuningdek, Rossiya oxirgi ikki yil ichida Afg‘oniston armiyasiga 10 ming donaga yaqin o‘qotar qurol va 2,5 million o‘q yetkazganligini ma’lum qildi.
Batafsil | Подробно | Read more... Daryo